Азиа пара ойындарының жеңімпаздары мен жүлдегерлері елге оралды

Астана қаласында IV Азия пара ойындарының жеңімпаздары мен жүлдегерлерін қарсы алу рәсімі өтті. Ел намысын қорғаған спортшыларды ерекше құрметпен қарсы алды, деп хабарлайды KAZ.NUR.KZ туризм және спорт министрлігіне сілтеме жасап.

Пара дзюдо спорт түрі бойынша сынға түскен елордалық спортшылардың арасында 2 алтын, 1 күміс, бір қола жүлдегер бар. Ақмарал Науатбек пен Ерғали Шамей Азия пара ойындарының жеңімпазы атанса, Асылан Нұрдәулетов күміс жұүлдеге ие болды. Ал Бауыржан Арыстанбеков қола медальді еншіледі.

Жалпы пара дзюдодан ұлттық құрама командасы Азия пара ойындарында жеңіс қоржынына 3 алтын, 4 күміс және 7 қола еншілеп, медальдік есепте 2-орынға орнықты. Бірінші орында 5 алтын, 2 қола және 4 күміс медальмен Қытай елі тұрса, үшінші орынға 2 алтын 1 күміс 3 қола медальмен Иран елі тұрақтады.

Мәтіннен қате тапсаңыз, бізге жазыңыз