Қазақстандық файтер кәсіби мансабында бесінші рет жеңіліске ұшырады

Қазақстандық жекпе-жек шебері Мұратбек Қасымбай (лақап аты – "Қазақ терминаторы") "Наше дело 81" турнирінде ресейлік файтер Александр Грозиннен жеңіліп қалды. Бұл туралы KAZ.NUR.KZ Sports.kz cайтына сілтеме жасап хабарлайды.

Кездесу аралас жекпе-жек ережесі бойынша өтіп, төрешілер шешімімен Грозин жеңіске жетті. Бұл – Грозиннің кәсіби мансабындағы 24-жеңісі.

Грозин Ашық ФК лигасының чемпионы, "Наше дело" лигасының Гран-при чемпионы, сонымен қатар AMC Fight Nights титулына үміткер болған.

Ал Мұратбек Қасымбай үшін бұл жекпе-жек – оның мансабындағы 5-жеңіліс. Биыл Мұратбек тағы екі жекпе-жек өткізді.

Біріншісінде ол ресейлік Аловсет Мамиевті (1-2) төрешілердің бірауыздан шешімімен жеңсе, екінші жекпе-жекте тағы бір ресейлік спортшы Никита Солонинді (7-6) техникалық нокаутпен жеңді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз