Бүгін Елена Рыбакина 2024 жылдағы алғашқы кездесуін өткізеді

Бүгін, 3 қаңтарда Елена Рыбакина 2024 жылдағы алғашқы матчын өткізеді. Бұл туралы KAZ.NUR.KZ тілшісі хабарлайды.

Қазақстанның бірінші ракеткасы Елена Рыбакина Аустралиядағы Brisbane International WTA 500 турнирінде жергілікті спортшы Оливия Гадекимен күш сынасады. Ойын Астана уақытымен 14:30-да басталады.

Егер Рыбакина Оливияны жеңсе, турнирдің 1/8 финалына жолдама алады. Плей-офф кезеңінің келесі қарсыласы Мертенс пен Стивенс жұбының жеңімпазының бірі болмақ.

Айта кетейік, қазақстандық теннисші Елена Рыбакина World Tennis Series турнирі аясында әлемдік рейтинг көшбасшысы Ига Швентекті жеңген еді. Сол турнир қорытындысы бойынша қазақстандық теннисші командалық өнер көрсету бойынша ең үздік спортшы (MVP) деген атағын жеңіп алды.