Қазақстандық теннисші Александр Бублик Аделаиде (Аустралия) ATP 250 турнирінің финалына өте алмады. Бұл туралы KAZ.NUR.KZ тілшісі хабарлайды.
Александр Бублик жартылай финалда әлемдік рейтингте 62-орында тұрған Ұлыбритания өкілі Джек Дрейперге қарсы ойнады. Қазақстандық теннисші қарсыласынан 6:7, 4:6 есебімен жеңіліп қалды.
Енді финалда Джек Дрейпер әлемнің 32-ракеткасы, чехиялық Иржи Лехечкамен бірінші орынға таласады.
Еске салайық, Александр Бублик ширек финалда әлемнің 25-ракеткасы, италиялық Лоренцо Музеттиді жеңген еді. Алғашқы сет 6:3 есебімен қазақстандық теннисшінің пайдасына шешілді. Екінші партияда Музетти есе қайтарды (6:7). Ал шешуші сетте Александр 7:5 есебімен алға шығып, жартылай финалға жолдама алған болатын.
Мақаланың түпнұсқасы: https://kaz.nur.kz/sport/other-sports/2055246-aleksandr-bublik-atp-250-turnirinin-finalyna-syga-almady/
