Қазақстанның бірінші ракеткасы Елена Рыбакина Аустралия ашық чемпионаты алдында жаттығу өткізді. Бұл туралы KAZ.NUR.KZ X желісіндегі Sebastien G. парақшасына сілтеме жасап хабарлайды.
Қазақстандық теннисші Мельбурндағы теннис кортында ресейлік спортшы Вероника Кудерметовамен бірге жаттықты. Олардың жаттығу сәтінде түсірілген видеоны Елена Рыбакинаның жанкүйері X желісіне жүктеді.
Елена Рыбакинаның Australian Open турниріндегі алғашқы қарсыласы – әлемнің 37-ракеткасы, чехиялық теннисші Каролина Плишкова. Оны жеңсе, Испания өкілі Кристина Бучамен немесе Ресей спортшысы Анна Блинковамен сынға түседі.
Еске салайық, Рыбакина Аделаиде (Аустралия) турнирінің ширек финалында әлемнің 21-ракеткасы, ресейлік теннисші Екатерина Александровадан жеңіліп қалған еді.
Мақаланың түпнұсқасы: https://kaz.nur.kz/sport/other-sports/2055447-elena-rybakina-australian-open-turnirine-daiyndyq-otkizude-video/
