Қазақстаннның бірінші ракеткасы Елена Рыбакина Аделаиде (Аустралия) WTA 500 турнирінің жартылай финалына өте алмады. Бұл туралы KAZ.NUR.KZ тілшісі хабарлайды.
Рыбакина Аделаиде (Аустралия) турнирінің ширек финалында әлемнің 21-ракеткасы, ресейлік теннисші Екатерина Александроваға қарсы ойнады. Алғашқы партияда Елена 3:6 есебімен есе жіберді. Екінші сетте де ол қарсыласынан басым түсе алмады (3:6). Осылайша қазақстандық теннисші Аделаиде турнирін аяқтады.
Рыбакина аталмыш жарысты 1/8 финалдан бастаған еді. Елена өткен ойында дүниежүзілік рейтингте 61-орында тұрған испаниялық теннисші Кристина Бучамен кездесіп, 6:3, 7:5 есебімен жеңген еді.
Енді Елена Australian Open турниріне қатысады. Оның алғашқы қарсыласы – әлемнің 37-ракеткасы, чехиялық Каролина Плишкова.
Мақаланың түпнұсқасы: https://kaz.nur.kz/sport/other-sports/2055065-elena-rybakina-reseilik-tennissiden-zenilip-xalyqaralyq-turnirdin-zartylai-finalyna-syga-almady/
