Қазақстанның бірінші, әлемнің үшінші ракеткасы Елена Рыбакина Аустралия ашық чемпионатындағы алғашқы ойынында жеңіске жетті. Бұл туралы KAZ.NUR.KZ тілшісі хабарлайды.
Елена Рыбакина Australian Open турнирінің бірінші айналымында чехиялық теннисші, әлемнің 38-ракеткасы Каролина Плишковамен кездесті. Алғашқы партияда Рыбакина 7:6 есебімен қарсыласынан басым түсті. Екінші сетте де ол Чехия өкіліне дес бермеді (6:4).
Енді Елена ресейлік теннисші Анна Блинковаға қарсы ойнайды.
Еске салайық, осыған дейін Елена Рыбакина Аделаиде (Аустралия) WTA 500 турнирінің жартылай финалына өте алмай қалған еді. Ол ширек финалда әлемнің 21-ракеткасы, ресейлік теннисші Екатерина Александроваға есе жіберді.
Мақаланың түпнұсқасы: https://kaz.nur.kz/sport/other-sports/2055800-elena-rybakina-australian-open-turnirin-zenispen-bastady/
