Александр Бублик мансабындағы ең үздік нәтижеге қол жеткізді

Ерлер арасындағы жекелей сында Қазақстанның бірінші ракеткасы Александр Бублик кәсіпқой теннисшілер қауымдастығының рейтингінде жоғарылады. Бұл туралы KAZ.NUR.KZ Кәсіпқой теннисшілер қауымдастығының ресми сайтына сілтеме жасап хабарлайды.

Бублик өткен аптада Монпельеде ұйымдастырлыған ATP 250 турнирінде жеңіске жетіп, кәсіпқой мансабындағы төртінші титулды иеленді. Сонымен қатар осы жарыс тарихындағы бірегей жетістікке қол жеткізді.

Әлемдік рейтингтің жаңарған нұсқасында қазақстандық спортшы 27-орыннан 23-орынға көтерілді. Бұл оның мансабындағы ең жоғары позиция. Сербиялық теннисші Новак Джокович әлемнің бірінші ракеткасы болып қала берді, ал үздік ондықта ешқандай өзгеріс жоқ.

Жақында Қазақстан азаматтығын алған Александр Шевченко 59-орыннан 56-орынға көтерілді. Денис Евсеев пен Бейбіт Жұқаев бір-екі позициядан айырылып, сәйкесінше 177 және 191-орынға орналасты.

Мәтіннен қате тапсаңыз, бізге жазыңыз