Қазақстандық зілтемірші Александр Уваров Азия чемпионатының күміс медаль иегері атанды. Бұл туралы KAZ.NUR.KZ Спорт және туризм министрлігінің Telegram-дағы ресми парақшасына сілтеме жасап хабарлайды.
Өзбекстан астанасы Ташкенттегі өтіп жатқан ауыр атлетикадан Азия чемпионатында ерлер арасында 81 келіге дейінгі салмақта 2 зілтеміршіміз өнер көрсетіп, Александр Уваров күміс медаль иеленді.
Ханчжоу-2022 Азия ойындарының қола жүлдегері жұлқа көтеруде 153 келі, ал серпе көтеруде 190 келі көтеріп, қоссайыс қорытындысында 343 келі көрсеткішпен 2-орын иеленді. Әлібек Рақымберді 5-орынмен шектелді.
81 келі салмақ дәрежесіндегі жеңімпаздар тізімі осындай:
- Ри Чонг Сонг 369 келі (Солтүстік Корея);
- Александр Уваров 343 келі (Қазақстан);
- Гайгысыз Тораев 337 келі (Түрікменстан);
5. Әлібек Рақымберді 298 келі (Қазақстан).
Айта кетейік, Ташкенттегі Азия чемпионатында Париж Олимпиадасына қатысуға мүмкіндік беретін рейтингтік ұпайлар сарапқа салынады. Жарысқа 34 елден 192 атлет қатысып жатыр.
Мақаланың түпнұсқасы: https://kaz.nur.kz/sport/other-sports/2059670-qazaqstandyq-auyr-atlet-aziya-cempionatynyn-kumis-zuldesin-zenip-aldy/
