"Арасында Айшолпан да бар": 100-ге жуық құсбегі қатысқан құсбегіліктен Қазақстан чемпионаты қалай өтті

Құсбегіліктен ересектер арасындағы ХVII Қазақстан чемпионаты аяқталды. Бұл туралы KAZ.NUR.KZ Құсбегілік федерациясының Instagram-дағы ресми парақшасына сілтеме жасап хабарлайды.

Жарыс ШҚО-ға қарасты Ұлан ауданы Бозанбай ауылында өтті. Оған Қазақстанның 10 облысынан және 2 қаласынан 100-ге жуық құсбегі қатысты. Тіркеуден 61 бүркіт, 21 қаршыға, 14 ителгі өткен. Қатысушылардың арасында танымал бүркітші қыз Айшолпан Нұрғайыпқызы да бар.

Сайыстың бірінші күні құсбегілер үшін оңай болмады. Өйткені облыс аумағында қатты жел мен ақ түтек боран соққан.

Жарыс қорытындысына сәйкес, бүркіт құсы бойынша төмендегі қатысушылар жеңімпаз атанды:

• 1-орын Абдулкаримұлы Сармат (Атырау облысы), Каспий құсымен;
• 2-орын Сейітжан Аян (Алматы облысы), Атамұра құсымен;
• 3-орын Кушкаров Арман (Атырау облысы), Нарын құсымен;
• 3-орын Искаков Алан (Павлодар облысы), Сонар құсымен.

Ал қаршыға құсы бойынша үздіктер қатары келесідей:

• 1-орын Базарбаев Ибрагим (Түркістан облысы), Жендет құсымен;
• 2-орын Кодеков Мұрат (Алматы облысы), Көкжендет құсымен;
• 3-орын Байетбай Сағыныш (Алматы облысы), Жендет құсымен;
• 3-орын Рауильұлы Құдайберген (Астана қаласы), Ұшқыр құсымен.

Ителгі құсы бойынша жүлдеге ие болғандар:

• 1 - орын Оспанкулов Танат (Қарағанды облысы), Самал құсымен;
• 2 - орын Иманзайып Ермек (Павлодар облысы), Ақсеңгір құсымен;
• 3 - орын Аршабай Дәурен (Түркістан облысы), Қаракөз құсымен;
• 3 - орын Төлегенұлы Темірәлі (Қарағанды облысы), Жұлдыз құсымен.

Айта кетейік, 2023 жылы құсбегіліктен ересектер арасындағы Қазақстан чемпионаты Атырау облысы, Жаңаталап ауылында өткен еді. Оған еліміздің 14 облысынан 50-ге жуық құсбегі қатысқан.

Мәтіннен қате тапсаңыз,бізге жазыңыз