Қазақстандық аралас жекпе-жек шебері Асу Алмабаев UFC промоушеніндегі екінші жеңісінен кейін елге оралды. Бұл туралы KAZ.NUR.KZ тілшісі хабарлайды.
9 наурызда Асу Алмабаев Майамиде (АҚШ, Флорида штаты) өткен UFC 299 турнирі аясында АҚШ өкілі Си Джей Вергарамен кездескен еді. Үш раундқа созылған жекпе-жекте қазақстандық файтер төрешілердің шешімімен жеңіске жетті (30:27, 30:27, 30:27). Осы жеңісінен кейін Алмабаев елге оралды. Оны Алматы әуежайында қазақстандықтар қошеметпен күтіп алды.
Айта кетейік, Алмабаев UFC-дегі екінші жеңісі үшін қанша табыс тапқанын жазғанбыз.
Еске салайық, Асу Алмабаев өткен жылы тамыз айында UFC-де дебют жасаған еді. Ол кезде қазақстандық аралас жекпе-жек шебері америкалық файтер Оди Осборнды (12-6) екінші раундта сабмишн әдісімен ұтқан болатын.
Мақаланың түпнұсқасы: https://kaz.nur.kz/sport/other-sports/2066706-asu-almabaev-ufc-degi-ekinsi-zenisinen-keiin-elge-oraldy-video/
