Асу Алмабаевтың UFC-дегі екінші жеңісі үшін қанша табыс тапқаны белгілі болды

10 наурызда қазақстандық файтер Асу Алмабаев UFC-дегі екінші жекпе-жегін өткізіп, жеңіске жеткен еді. Бұл туралы KAZ.NUR.KZ. тілшісі хабарлайды.

UFC 299 турнирінің алғашқы кездесулерінің бірінде Алмабаев америкалық файтер Си Джей Вергарамен жұдырықтасты. Жекпе-жек жоспарланған үш раундқа созылды және төрешілердің бірауыздан қабылдаған шешімі бойынша "Зулфикар" жеңіске жетті.

Америкалық файтер салмақ өлшеу рәсімінде тиісті нәтиже көрсете алмағандықтан, оның осы кездесудегі табысының 20 пайызы Асуға өтетіні белгілі болған еді.

The sports grail порталындағы ақпаратқа сүйенсек, қазақстандық файтер екінші кездесуінде 22 мың доллар табыс тапқан. Бірақ бұл қарсыласының айыппұлын есептемегендегі көрсеткіш.

Асу Алмабаевтың UFC-дегі белгіленген жалақысы 18 мың доллар болса, Вергараның айыппұлына байланысты тағы 6 мың, ал демеуші компаниядан 4 мың доллар алады. Сонда жалпы есепте Асу 28 мың доллар табыс тапты (12 524 291 теңге).

Мәтіннен қате тапсаңыз, бізге жазыңыз