Mutua Madrid Open жарысының ширек финалында Қазақстанның үздік теннисшілері арасында кездесу өтеді. Бұл туралы KAZ.NUR.KZ тілшісі хабарлайды.
Испания астанасы Мадрид қаласында өтіп жатқан турнирде Қазақстанның бірінші, әлемнің төртінші ракеткасы Елена Рыбакина чехиялық қарсыласы Сара Бейлекті жеңіп (6:1, 6:3), жарыстың ширек финалына шықты.
Енді Рыбакина тағы бір отандасымыз Қазақстанның екінші ракеткасы Юлия Путинцевамен кездеседі. Путинцева бұған дейінгі ойында әлемнің 11-ракеткасы Дарья Касаткинаны 3:6, 6:2, 6:2. есебімен жеңген болатын.
Айта кетейік, Елена биылғы WTA маусымында турнирдегі жеңістер саны бойынша (3), финалдар бойынша (5) және эйс ұпайлары бойынша (214) үздік нәтиже иегері.
Материал авторы: Досбол Атажан
Мақаланың түпнұсқасы: https://kaz.nur.kz/sport/other-sports/2093486-madridte-tennisten-qazaqstandyq-derbi-otedi/
