Елена Рыбакина жарақатынан әлі жазылып үлгермегенін айтып, Олимпиадаға қатыспайтыны үшін қазақстандық жанкүйерлерден кешірім сұрады. Бұл туралы KAZ.NUR.KZ Қазақстан теннис федерациясының ресми сайтына сілтеме жасап хабарлайды.
"Құрметті қазақстандықтар, өкінішке орай мен Париждегі Олимпиадаға қатыса алмаймын. Уимблдон турнирінен кейін ауырып қалдым. Жаттығуға қайта оралуға тырысқаныммен, дене даярлығым ойдағыдай емес. Дәрігерлер кортқа шығуыма тыйым салды.
Сіздердің үміттеріңізді ақтап, Париждегі Олимпиадада біздің құрама үшін бақ сынай алмайтыныма қатты өкінемін. Мен Токиода жүлдеге өте жақын болдым және Қазақстанға алтын алу үшін Париж ойындарына тыңғылықты дайындалдым. Өкінішке орай, ауруыма байланысты бұл жоспарларымды жүзеге асыруға еш мүмкіндік жоқ", - деді Елена Рыбакина.
Елена Рыбакина барша қазақстандық спортшыларға Парижде сәттілік тіледі.
Еске салайық, бүгін, 25 шілдеде теннисші Елена Рыбакинаның 2024 жылы Парижде өтетін Олимпиада ойындарына қатысудан бас тарту туралы шешім қабылдағаны белгілі болды.
- Елена Рыбакина Олимпиадаға неге қатыса алмайтыны белгілі болды
- Елена Рыбакина Олимпиадаға қатыспайтын болды
Мақаланың түпнұсқасы: https://kaz.nur.kz/sport/other-sports/2139909-elena-rybakina-qazaqstandyq-zhankuierlerden-keshirim-surady/
