Париж Олимпиадасы: Эльмир Әлімжанов ширек финалға шыға алмады
Опубликовано:
Париж Олимпиадасы аясында шпагамен семсерлесу бәсекесінің 1/8 финалдық кезеңінде қазақстандық Эльмир Әлімжанов өнер көрсетті. Бұл туралы KAZ.NUR.KZ тілшісі хабарлайды.
Шпагамен семсерлесу бәсекесінің 1/8 финалдық кезеңінде қазақстандық спортшы Эльмир Әлімжанов италиялық Федерико Висмарамен кездесті.
Үш кезеңнің нәтижесінде қос спортшы тең түсті (13:13). Бірақ қосымша уақытта италиялық семсерлесуші отандасымыздан айласын асырып кетті.
Федерико Висмара Олимпиада жеребесі кезінде 9-нөмір саналған. Ал отандасымыз 25-сатыда болды.
Айта кетейік, қазақстандық семсерлесуші Руслан Курбанов 1/8 финалдық кезеңде Олимпиада чемпионын қапыда қалдырып, ширек финалға жолдама алған болатын.
Шпагамен семсерлесу бәсекесінің жекелей сынында өнер көрсеткен қазақстандық семсерлесуші Вадим Шарлаимов 1/16 финалдық кезеңінде жеңіліс тауып, жарыс жолынан шығып қалған болатын.
- Руслан Курбанов Олимпиада чемпионын қапыда қалдырып, ширек финалға шықты
- Қазақстандық семсерлесуші франциялық қарсыласынан жеңісті жұлып алды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2140941-parizh-olimpiadasy-elmir-alimzhanov-shirek-finalga-shyga-almady/