Қазақстандық мерген Никита Чирюкин іріктеу кезеңінен аса алмады
Опубликовано:
Қазақстандық спортшы Никита Чирюкин нысана көздеуден іріктеу кезеңінің екінші айналымында өнер көрсетті. Бұл туралы KAZ.NUR.KZ хабарлайды.
Қазақстандық спортшы Никита Чирюкин тапанша атудан (25 м) іріктеу кезеңінің екінші айналымында бәсекеге түсті. Нәтижесінде қазақстандық мерген қос кезеңнің қорытындысы бойынша 583 ұпай (орташа көрсеткіш – 9.717 ұпай) жинақтап, 10-орынға жайғасты.
Алғашқы айналымда қазақстандық мерген 293 ұпай (орташа көрсеткіш – 9.767 ұпай) жинақтап, 6-орынды еншілеген еді.
Бұл сайысқа жалпы саны 29 спортшы қатысқан болатын. Осы бәсекеде үздік деп танылған 6 мерген ақтық кезеңде өзара мықтыны анықтайды.
Айта кетейік, Никита Чирюкин биылғы жылы Джакартада (Индонезия) өткен Азия чемпионатында нысана көздеуден топ жарған болатын.
Бұған дейін пневматикалық тапаншадан (10 м) оқу ату сынында Ирина Юнусметова / Никита Чирюкин жұбы бақ сынасқан болатын. 17 команда қатысқан бұл сайыста қазақстандық спортшылар 575 ұпай жинақтап, 11-орынға тұрақтаған еді.
- "Қазақ еліне алғыс айтамын": финалға шыққан Нұрбек Оралбай жекпе-жегін қорытындылады
- Мырзағали Айтжанов: Нұрбек қазақстандық боксшылардың есесін қайтарды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2144295-nikita-chiriukin-irikteu-kezenginen-asa-almady/