Париж-2024: қазақстандық каноэшілер B финалында мәреге үшінші болып жетті
Опубликовано:
Байдарка мен каноэ есуден Қазақстан құрамасының өкілдері Тимур Хайдаров пен Сергей Емельянов Париж Олимпиадасының жұбаныш финалында бақ сынады. Бұл туралы KAZ.NUR.KZ тілшісі хабарлайды.
Тимур Хайдаров пен Сергей Емельянов екі адамдық каноэмен 500 метрге жарысу сайысының B финалында сынға түсті. Бұл бәсекеде Олимпиада жүлдесі сарапқа салынған жоқ. Қазақстандық дуэт белгіленген межені 1 минут 46,75 секундта бағындырып, өз тобында мәреге үшінші болып жетті. Олар жалпы есепте 11-орынға тұрақтады.
Еске салайық, Хайдаров пен Емельянов Олимпиаданың іріктеу кезеңінде мәреге бесінші болып жетіп, жартылай финалға тікелей жолдама ала алмаған еді. Кейін олар ширек финалда мәре сызығын соңғы болып кесіп, жүлдеден қол үзді.
Бүгін, 8 тамызда қазақстандық каноэші Мария Бровкова ширек финалда жекелей сайыста сынға түсіп, жартылай финалға өте алмады. Ол 200 метр қашықтықты 48,61 секундта бағындырып, өз тобында төртінші орынға жайғасты. Ал келесі кезеңге үздік нәтиже көрсеткен екі спортшы жолдама алды.
- Рекорд жаңартқан қазақстандық спортшы Олимпиаданың жартылай финалына өте алмады
- Париж-2024: Мейрамбек Қартбай 23 жастағы қырғыз балуанына жеңілді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2146440-parizh-2024-qazaqstandyq-kanoeshiler-b-finalynda-marege-ushinshi-bolyp-zhetti/