Шығыс Қазақстан облысында жеңіл атлетикадан Олимпиада чемпионы Ольга Рыпаковаға су жаңа көлік табыс етілді. Бұл туралы KAZ.NUR.KZ "Біздің Өскемен" cайтының Instagram желісіндегі парақшасына сілтеме жасап хабарлайды.
Дереккөздің мәліметінше, ШҚО әкімінің жүлдесі үшін өтіп жатқан ХХII халықтық спорт ойындарының ашылу салтанатында облыс басшылығы Қазақстан спортына қосқан үлкен тарихи үлесі үшін Ольга Рыпаковаға су жаңа автомобиль сыйлаған. Спорттық шараның ашылу салтанаты Ольга Рыпакова атындағы жеңіл атлетика орталығында өткен.
Айта кетейік, Ольга Рыпакова үш қарғып секіруден 2008 жылы Бейжің Олимпиадасында күміс, 2012 жылы Лондонда алтын, 2016 жылы Риода қола медаль жеңіп алды. Сондай-ақ ол жабық кешендегі әлем чемпионатының жеңімпазы (2010). Қазақстандық спортшы 2023 жылы 38 жасында үлкен спортпен қош айтысқан болатын.
Осыған дейін қазақстандық кәсіпкер Кеңес Рақышев дзюдошылар Елдос Сметов пен Ғұсман Қырғызбаевқа көлік мінгізгенін жазған едік.
Мақаланың түпнұсқасы: https://kaz.nur.kz/sport/other-sports/2150706-olimpiada-chempiony-olga-rypakovaga-kolik-syiga-tartyldy-video/
