"Медальдің сапасы жақсы болуы керек": америкалық спортшы алтын медалін сындырып алды

Франция астанасы Парижде өткен Олимпиада ойындарында чемпион атанған америкалық футболшы Линн Уильямс алтын медалін тосын жағдайда сындырып алды. Бұл туралы KAZ.NUR.KZ DailyMail басылымына сілтеме жасап хабарлайды.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Америкалық футболшы Линн Уильямс Париж Олимпиадасында жеңіп алған алтын медалін кездейсоқ сындырып алды.
• Оқиға Уильямстың командаластарымен кешке қатысқан кезде орын алған, медаль жерге құлап, майысып қалған.
• Уильямс Халықаралық Олимпиада комитетін медальдің сапасы төмен деп сынап, "Мен медальдің сапасы жақсырақ болуы керек деп ойлаймын" деген пікір білдірді.

Футболдан АҚШ құрамасының және "Готэм" клубының ойыншысы Линн Уильямс Tiktok желісіндегі ресми парақшасында Олимпиадада жеңіп алған алтын медалін абайсызда сындырып алғанын мәлімдеді.

Оқиға Линн Уильямстың командаластарымен кешке қатысқан кезде орын алған. Линн Уильямс медальді иығына іліп алып, билеп жүрген. Бір уақытта медаль жерге құлап, оның лентамен жалғасып тұрған бөлігі сынып, медаль майысып қалған.

Уильямс әлеуметтік желіге жариялаған видеосында Халықаралық Олимпиада комитетімен (ХОК) байланысқа шыққанын және медалін ауыстырып беретінін айтты.

Сонымен қатар футболшы бұл мәселе бойынша ХОК-ты кінәлады.

"Мен медальдің сапасы жақсы болуы керек деп ойлаймын. Олар мықты әрі берік болуы керек еді. Шынымды айтсам бұл менің кінәм емес деп есептеймін", - деді Линн Уильямс.

Айта кетейік, Париж Олимпиадасында қола жүлде иеленген қазақстандық спортшылар Назым Қызайбай мен Ғұсман Қырғызбаев та медальдің сапасы туралы пікір білдірген болатын.