Қырғызстанның бұрынғы депутаты муай-тай турнирінде чемпион атанды (видео)

Қырғызстан Парламентінің бұрынғы депутаты Шайлообек Атазов Тайландта өткен муай-тай турнирінде IBF Muaythai чемпионы атағына ие болды. Бұл туралы KAZ.NUR.KZ Kaktus Media сайтына сілтеме жасап хабарлайды.

КЛЮЧЕВЫЕ МОМЕНТЫ

Данный текст создан автоматически при помощи ИИ и не проходил проверку редактора, поэтому может содержать фактологические или грамматические ошибки. Подробности в публикации

• Қырғызстан Парламентінің бұрынғы депутаты Шайлообек Атазов Тайландта өткен муай-тай турнирінде IBF Muaythai чемпионы атағын жеңіп алды.
• 45 жастағы Атазов тайландтық қарсыласы Чиангкван Паномтедті екінші раундта техникалық нокаутпен жеңді.
• Шайлообек Атазов 2024 жылдың 8 мамырында Қырғызстанның Орталық сайлау комиссиясы шешімімен депутаттық мандатынан айырылған.

Қырғызстанның бұрынғы депутаты Шайлообек Атазов Тайландта өткен муай-тай турнирінде ауыр салмақта IBF Muaythai чемпионы атанды.

Шайлообек Атазов тайландтық қарсыласы Чиангкван Паномтедпен кездесіп, екінші раундта техникалық нокаутпен жеңіске жетті. Қарсыласы оның аяққа жасаған соққысынан кейін рингте құлап, жекпе-жекті жалғастыра алмады. Осылайша, 45 жастағы Атазов IBF Muaythai ұйымының чемпиондық белбеуін иеленді.

Айта кетейік, Шайлообек Атазов пен Чиангкван Паномтед арасындағы жекпе-жек турнирдің басты кездесуі ретінде көрсетілді. IBF Muaythai ұйымы 2017 жылдың желтоқсан айында құрылған.

Шайлообек Атазов 2024 жылдың 8 мамырында Қырғызстанның Орталық сайлау комиссиясы (ЦИК) оны депутаттық мандатынан айырды. Бұл шешім Жоғарғы соттың үкімі негізінде қабылданған болатын.

Мәтіннен қате тапсаңыз, бізге жазыңыз