Астанада өтіп жатқан V Дүниежүзілік көшпенділер ойындарында көк бөріден Қазақстан құрамасы финалға шықты. Бұл туралы KAZ.NUR.KZ тілшісі хабарлайды.
Жартылай финалда Қазақстан құрамасы Түркия командасымен ойнап, айқын басымдықпен жеңіске жетті. Қорытынды есеп – 15:1.
Қазақстанның финалдағы қарсыласы Қырғызстан – Ресей ойынынан кейін анықталады. Финалдық бәсеке ертең, 12 қыркүйекте 16:30-да басталады.
Көк бөрі – қырғыз халқының ұлттық ат спорты. Ойын ережесі бойынша, серкені жерден алып үлгерген шабандоз оны қарсылас команданың қазандығына салуы керек.
Осыған дейін көкпардан Қазақстан құрамасы жартылай финалда Ресей командасын жеңіп, Көшпенділер ойындарының финалына өткен еді. Енді қазақ көкпаршылары ертең қырғыз спортшыларымен алтынға таласады.
Айта кетейік, V Дүниежүзілік көшпенділер ойындары 13 қыркүйекке дейін жалғасады. Дүбірлі додаға әлемнің 89 елінен 2430 спортшы қатысып жатыр. Байрақты бәсекеде 21 спорт түрі бойынша 97 медаль жиынтығы сарапқа салынады.
Мақаланың түпнұсқасы: https://kaz.nur.kz/sport/other-sports/2160183-kokboriden-qazaqstan-quramasy-koshpendiler-oiyndarynyng-finalyna-shyqty/
