"Астана" баскетбол клубы ВТБ лигасында 6 айдан бері жеңіске жете алмай келеді

"Астана" баскетбол клубы ВТБ Бірыңғай лигасы аясында "Енисей" командасына қарсы ойын өткізіп, жеңіліске ұшырады. Бұл туралы KAZ.NUR.KZ хабарлайды.

Астанада өткен кездесуде елордалық "Астана" баскетбол клубы 64:70 есебімен жеңіліске ұшырады.

Ойынның бірінші ширегінде "Енисей" баскетбол клубы басым түсті (14:21). Екінші кезеңде астаналық баскетболшылар екі ұпаймен артта қалды (14:16). Ал үшінші кезеңде қазақстандық клуб 14:24 есебімен есе жіберіп қойды..

Ал ойынның төртінші кезеңінде астаналықтар 24:9 есебімен басым түссе де, жалпы есепте "Астана" баскетбол клубы жеңіліс тапты.

Айта кетейік, "Астана" баскетбол клубы қатарынан 9 ойын жеңіліске ұшырады. Бас бапкер Глеб Кисилевтің жетекшілігімен "Астана" баскетбол клубы соңғы рет сәуір айында жеңіске жеткен болатын.

Мәтіннен қате тапсаңыз, бізге жазыңыз