Шымкентте бозбалалар арасында тай көкпары өтті
Опубликовано:
Шымкентте алғаш рет боз балалар арасында дүбірлі дода "Тау тұмар" атты тай көкпары ұйымдастырылды. Бұл туралы KAZ.NUR.KZ тілшісі Шымкент қалалықт өңірлік коммуникациялық қызметіне сілтеме жасап хабарлайды.
ӨКҚ Instagram-дағы парақшасындағы ақпаратқа сүйенсек, шара Қазақстан мәслихаттарының 30 жылдығына орай ұйымдастырылған.
"Бұл бәсекеге республиканың түкпір-түкпірінен 1000-нан аса жасөспірім келіп қатысты. Тіпті көршілес Қырғыз елінен де қатысушылар келді. Тай көкпардың мақсаты - балаларға көкпар ойынын сезіндіру, ат үстінде шеберлікті шыңдау, тәжірибе көрсету, көкпар тартуға күш, еп, білек пен біліктілік керек екенін насихаттау", - делінген хабарламада.
Ал аталмыш көкпарға балалар жастығына қарамастан, додаға атойлап, тайсалмай кірді. Төрешілердің айтуынша, көкпар тартатын баланың жасы 11-13 жас, тай 1 жасар болуы шарт.
Нәтижесінде жас шабандоздардың мықтылығы сарапқа салынған додада әр салымға ақшалай сыйлық берілсе, "өгіз өлдіге" көлік тігілді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2180048-shymkentte-bozbalalar-arasynda-tai-kokpary-otti/