Қазақстандық екі спортшы ұлттық рекордты жаңартты
Жарияланған күні:
Жүзуден Қазақстан құрамасының екі спортшысы Сингапурда өтіп жатқан әлем кубогы кезеңінде Қазақстанның ұлттық рекордын жаңартты. Бұл туралы KAZ.NUR.KZ Cу спорты түрлері федерациясының Instagram-дағы парақшасына сілтеме жасап хабарлайды.
100 метрге брасс әдісімен жүзу сайысында Аделаида Пчелинцева рекорд орнатты. Ол белгіленген межені 1:07:74 секундта бағындырды.
Сондай-ақ ерлер арасында 400 метрге еркін стильде жүзу жарысында Ғалымжан Балабек ел рекордын жаңартты. Спортшы мәреге 3:47:52 секундта жетті.
Сингапурдегі үшінші әлем кубогы кезеңі 2 қарашаға дейін өтеді. Бұл жарысқа Қазақстаннан 9 спортшы аттанған болатын.
Еске салайық, қазақстандық пара жүзгіш Нұрдәулет Жұмағали Париж Паралимпиадасының финалында рекорд орнатып, күміс жүлде иеленген еді. Ол SB13 санатында 100 метрге брасс әдісімен жүзуден сынға түсіп, 1:04:83 секунд уақыт көрсеткішін тіркеді. Нұрдәулет Токио-2020 Олимпиадасының қола жүлде иеленген, соңғы Азиадада жеңіске жетіп, екі рет әлем чемпионатының күміс жүлдегері атанған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2181809-qazaqstandyq-eki-sportshy-ulttyq-rekordty-zhangartty/