Елордалық "Астана" баскетбол клубы ВТБ Бірыңғай лигасы аясында қатарынан 12-ойында жеңіліске ұшырады. Бұл туралы KAZ.NUR.KZ хабарлайды.
ВТБ лигасының 12-туры аясында астаналық ұжым сырт алаңда Екатеринбургтің "Уралмаш" баскетбол клубымен кездесті. Нәтижесінде "Астана" баскетбол клубы 62:72 есебімен жеңіліс тапты.
Ойынның бірінші кезеңінде "Астана" командасы екі ұпай айырмашылығымен (14:16) есебімен есе жіберіп қойды, екінші кезеңде де қазақстандық клуб басымдық таныта алмады (15:21). Бірақ астаналықтар үшінші кезеңде қарсыласынан озып кетті (23:20). Ал соңғы кезеңде "Астана" клубы бұл басымдықты уысында ұстап тұра алмады (10:15).
Айта кетейік, "Астана" биылғы маусымда әлі бірде-бір жеңіске жете алмай, қатарынан 12-ойында жеңіліп қалды.
Мақаланың түпнұсқасы: https://kaz.nur.kz/sport/other-sports/2183027-astana-basketbol-kluby-vtb-birynggai-ligasynda-qatarynan-12-oiynda-zhengilis-tapty/
