Семсерлесуден Қазақстан жастар құрамасы Ташкентте өткен әлем кубогінде Өзбекстан командасынан жеңіліп, күміс медаль еншіледі. Бұл туралы KAZ.NUR.KZ Қазақстан семсерлесу федерациясының Instagram-дағы парақшасына сілтеме жасап хабарлайды.
Әлемдік турнирде Қазақстан намысын Жайлыбай Нұрмұхаммед, Қайназар Нұрқатұлы, Сұлтан Станбек және Ерхан Караман қорғады. Олар финалда Өзбекстан командасымен кездесті. Бұл бәсеке 45:35 есебімен қарсыластың пайдасына шешілді.
Қазақстандық спортшылар үздік сегіздікке ену үшін Түркия құрамасын 45:39 есебімен жеңсе, жартылай финалда әлемдік рейтингтің көшбасшысы Румыния командасын 45:36 есебімен ұтты.
Еске салайық, шпагамен семсерлесуден Қазақстанның ерлер құрамасы әлемдік рейтингте 4-орынға көтерілген еді. Қазір ел құрамасының қоржынында 266 ұпай бар. Ал бұл тізімде Жапония кұрамасы көш бастап келеді (388 ұпай). Венгрия құрамасы 2-орынға жайғасса (344 ұпай), Франция үздік үштікті (332 ұпай) түйіндеп тұр.
Мақаланың түпнұсқасы: https://kaz.nur.kz/sport/other-sports/2188784-qazaqstan-men-ozbekstan-sportshylary-alem-kubogynyng-altynyn-sarapqa-saldy/
