Еркін күрестен Олимпиада жүлдегері, 2 дүркін әлем чемпионы және 4 дүркін Еуропа чемпионы атанған италиялық әйгілі балуан Франк Чамисо Астанаға келді. Бұл туралы KAZ.NUR.KZ Sportbugin.kz сайтына сілтеме жасап хабарлайды.
Франк Чамисоны қазақстандықтар дастархан жайып, құрметпен күтіп алған. Сондай-ақ олар балуанға қазақы шапан кигізді. Чамисо 29 қарашада Астанада еркін және грек-рим күресі бойынша өтетін Wrestling Stars халықаралық турниріне қатысады.
Сонымен бірге бұл жарыста Улықбек Жолдошбеков (Қырғызстан), 23 жасқа дейінгі спортшылар арасында әлем чемпионы, үш дүркін Азия чемпионы, екі дүркін Әлем чемпионатының қола жүлдегері Азамат Дәулетбеков, Азияның екі дүркін чемпионы, әлем чемпионатының қола жүлдегері Данияр Қайсанов, Ярыгинский турнирінің жеңімпазы, Ресей чемпионы Алан Багаев, 20 жасқа дейінгі спортшылар арасындағы әлем чемпионы Исхар Құрбаев, Азия чемпионатының қола жүлдегері Мейрамбек Қартбай, сондай-ақ Азия чемпионы Санжар Досжанов, әлем чемпионатының күміс жүлдегері Қорлан Жақанша, жастар арасындағы әлем чемпионы Начин Қуулар және басқа да балуандар сынға түседі.
Еске салайық, Санджуда (Оңтүстік Корея) күрес түрлерінен өткен халықаралық турнирде қазақстандық балуандар 1 алтын, 2 күміс, 3 қола медаль еншілеген еді.
Мақаланың түпнұсқасы: https://kaz.nur.kz/sport/other-sports/2193101-shapan-zhauyp-qarsy-aldy-aigili-baluan-frank-chamiso-astanaga-keldi/
