Әлем чемпионы Нұрқожа Қайпановқа ақтөбеліктер бір үйір жылқы сыйлады (фото)

Еркін күрестен әлем чемпионы Нұрқожа Қайпановқа ақтөбелік азаматтар бір үйір жылқы сыйға тартты. Бұл туралы KAZ.NUR.KZ тілшісі хабарлайды.

Нұрқожа Қайпанов Instagram-дағы ресми парақшасына бір үйір жылқының сертификатын ұстап тұрған фотосын жариялады. Бұл сый балуанға ақтөбелік азаматтардың атынан табысталған.

"Еңбегімді бағалаған ағаларға мың алғыс", - деп жазды еркін күрестен әлем чемпионы Нұрқожа Қайпанов.

Осыған дейін Нұрқожа Қайпановқа кәсіпкер Ерлан Қожасбай Zeekr 001 көлігінің кілтін табыстаған еді. Кейін спортшыға Солтүстік Қазақстан облысы әкімдігі тарапынан автомобиль сыйға берілді.

Нұрқожа Қайпанов Тиранада (Албания) өткен олимпиадалық емес салмақ дәрежелеріндегі әлем чемпионатында алтын медаль жеңіп алған болатын. Осылайша еркін күрестен әлем чемпионы атанған екінші қазақ балуаны болды. Былтыр Сербия астанасы Белградта Ризабек Айтмұхан 92 кг дейінгі салмақта топ жарған еді.

Еске салайық, Нұрқожа Қайпановтың жұбайы Марина Седнева Армения астанасы Ереванда күрес түрлерінен әскерилер арасында ұйымдастырылған әлем чемпионатында қола медаль иеленді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз