Бибісара Асаубаева бірден үш әлемдік рейтингте көш бастады

Қазақстандық шахматшы Бибісара Асаубаева Халықаралық шахмат федерациясының (FIDE) үш бірдей рейтингінде бірінші орын алды. Бұл туралы KAZ.NUR.KZ FIDE-нің ресми сайтына сілтеме жасап хабарлайды.

Бибісара Асаубаева 20 жасқа дейінгі қыздар арасында үздік атанды, сондай-ақ блиц пен рапид бойынша өз жас санатындағы рейтингтерде көш бастады. Ол әйелдер арасындағы жалпы рейтингте 13-орында тұрса, рапид (9-орын) және блиц (7-орын) бойынша топ-10-ға кіреді.

20 жастағы Бибісара Асаубаева 2019 жылы әйелдер арасында гроссмейстер атанды, ал 2021 және 2022 жылдары блицтен әлем чемпионатын жеңіп алды. Сондай-ақ ол Қазақстан әйелдер құрамасымен бірге шахмат олимпиадасында күміс жүлде жеңіп алған еді. Бұл Қазақстан үшін тарихи нәтиже болды.

Еске салайық, Бибісара Асаубаева қарашада Шымкентте өткен FIDE Гран-приінің екінші кезеңінде қола жүлде жеңіп алған еді. Ал ресейлік Александра Горячкина жеңімпаз атанса, әлемнің экс-чемпионы қытайлық Тань Чжуньи 2-орын иеленді.

Мәтіннен қате тапсаңыз, бізге жазыңыз