Оралдық желаяқ Руслан Әбішев 33 мың адам қатысқан Абу-Даби марафонында 10 шақырым қашықтықта бақ сынап, 5-орын иеленді. Бұл туралы "ЖайықПресс" ақпарат агенттігі хабарлайды.
Бір айдан астам уақыт бұрын оралдық желаяқ Руслан Әбішев Ресейде өткен "Самарская миля" жарысында топ жарған.
Сол кезде Руслан желтоқсан айында Абу-Даби марафонына дайындалып жатқанын айтқан еді.
Бүгін таңда Абу-Даби марафонында жарыс жолына шыққан оралдық желаяқ тамаша нәтиже көрсетті.
10 шақырым қашықтықта бақ сынап, 33 000 желаяқ жарысқан сайыста 5-орын иеленді.
Бұл — аталған жарысқа барған қазақстандықтар арасындағы ең үздік нәтиже.
"Ел намысы үшін барымды салдым. Жүлдеге сынық сүйем жетпей қалды. Бірақ 33 мың желаяқ арасында үздік бестікте болғанымның өзі жетістік. Алтынмен тең нәтиже",- деді Руслан Әбішев.
Мақаланың түпнұсқасы: https://kaz.nur.kz/sport/other-sports/2200562-oraldyq-zhelaiaq-33-myng-adam-qatysqan-abu-dabi-marafonynda-uzdik-bestikke-ilikti/
