Елдос Сметов жылдың үздік спортшысы атанды (видео)

Олимпиада чемпионы Елдос Сметов 2024 жылдың үздік спортшысы, ал бапкері Ғалымжан Жылгелдиев үздік бапкер атанды. Бұл туралы KAZ.NUR.KZ хабарлайды.

Марапаттау рәсімінен видео Қазақстан Дзюдо едерациясының Instagram-дағы ресми парақшасында жарияланды.

"Астанада Қазақстан Республикасы Туризм және спорт министрлігінің ұйымдастыруымен "Үздік" спорттық премиясында үздіктер марапатталды. Елдос Сметов – 2024 жылдың үздік спортшысы", - делінген жазбада.

Желі қолданушылары жазба астында жылы лебіздерін білдіріп, спортшының бұл марапатқа әбден лайық екенін жарыса жазуда.

"Батыр кез келген құрметке лайық", "Алла тіл көзден сақтасын, аққұрдас!", "Қазақтың Тарихында есімі алтын әріппен жазылатын спортшы. Барлық сый-құрметке лайық адам", "Құрметке лайықты споршы", "Біздің батыр", - деп пікір білдірген.

Сондай-ақ спортшының бапкері Ғалымжан Жылгелдиевтің еңбегі еленіп, жылдың үздік бапкері атанды.

Мәтіннен қате тапсаңыз, бізге жазыңыз