Теннистен Қазақстан ұлттық құрамасы халықаралық United Cup турнирінің жартылай финалына жолдама алды. Бұл туралы KAZ.NUR.KZ тілшісі хабарлайды.
Қазақстандық теннисшілер United Cup турнирінің ширек финалында Германия құрамасынан басым түсті. Екі ел арасындағы командалық бәсекенің алғашқы ойынын Елена Рыбакина мен неміс спортшысы Лаура Зегумин бастады. Аталмыш кездесуде отандасымыз 2:0 есебімен басым түсті (6:3, 6:1). Ал екінші ойында Александр Шевченко германиялық қарсыласын Даниэль Мазуриді 2:1 есебімен жеңді.
Жартылай финал аясындағы кездесулер 4 қаңтарда Сиднейде өтеді.
Естеріңізге сала кетейік, Қазақстан құрамасы C тобында өнер көрсетіп жатыр және бірінші матчта Испанияны 2:1 есебімен жеңген еді. Ұлттық команда сапында Шевченкодан бөлек Елена Рыбакина, Жібек Құламбаева, Дмитрий Попко және Александр Недовесов бар.
Мақаланың түпнұсқасы: https://kaz.nur.kz/sport/other-sports/2207418-rybakina-bastagan-tennisten-qazaqstan-quramasy-united-cup-turnirining-zhartylai-finalyna-shyqty/
