Бүкіләлемдік әйелдер теннис қауымдастығы (WTA) жекелей және жұптық сындағы жаңартылған рейтингін жариялады. Бұл туралы KAZ.NUR.KZ WTA-ның ресми сайтына сілтеме жасап хабарлайды.
Қазақстанның бірінші ракеткасы Елена Рыбакина жекелей сында 6-орнын сақтап қалды. Оның еншісінде 4821 ұпай бар.
Ал Юлия Путинцева төрт сатыға көтеріліп, 25-орынға көтерілді. Қазақстандық теннисшінің қоржынында 1894 ұпай бар.
Зарина Дияс бір сатыға көтеріліп, 381-орынға тұрақтады.
Жекелей сындағы үздік үштіктің орны өзгеріссіз қалды. Арина Соболенко (Беларусь) көш бастаса, Ига Швентек (Польша) 2-орынға жайғасқан. Ал Кори Гауфф (АҚШ) үздік үштікті түйіндеп тұр.
Ал жұптық сында Қазақстанның үздік ойыншысы Анна Данилина бір сатыға төмендеп, 23-орынға табан тіреді.
Еске салайық, қазақстандық теннисшілер биылғы маусымды Аустралиядағы United Cup турнирінде бастаған болатын. Қазақстандық теннисшілер өз тобында көш бастап, плей-офф кезеңінде сәтті өнер көрсетіп, жартылай финалға дейін жеткен болатын. Тек жарыстың жартылай финалында Польша құрамасы Қазақстан командасын 3:0 есебімен жеңіп, финалға шықты.
Мақаланың түпнұсқасы: https://kaz.nur.kz/sport/other-sports/2208530-wta-nyng-zhangartylgan-reitinginde-qazaqstandyq-tennisshiler-qai-orynga-taban-tiredi/
