Аустралиядағы турнирдің іріктеу кезеңінде сынға түскен қазақстандық теннисшілер алғашқы айналымнан аса алмады

Australian Open чемпионатының биылғы кезеңіндегі іріктеу сайыстары басталды. Қазақстанның үш бірдей теннисшісі де алғашқы айналымда жарыс жолынан шығып қалды, деп хабарлайды KAZ.NUR.KZ.

Ерлер арасындағы жекелей сында Қазақстанның үш теннисшісі турнирдің алғашқы айналымында сынға түсті.

Еліміздің үшінші ракеткасы Михаил Кукушкин (АТР рейтингінде 109-орында) іріктеу кезеңінде эстониялық Марк Лаялдан (234-орын) 0:6, 2:6 есебімен жеңіліп қалды.

Ал Қазақстанның бесінші ракеткасы Тимофей Скатов (196-орын) да хорватиялық Борна Гохоға (446-орын) екі сетте 3:6, 4:6 есебімен есе жіберді.

Жақында United Cup турнирінде ел намысын қорғаған Дмитрий Попко (183-орын) гонконгтық Коулман Вонгке (172-орын) қарсы матчта жеңіліс тапты. Қазақстанның төртінші ракеткасы бұл ойында 5:7, 6:3, 5:7 есебімен жеңіліп қалды.

Айта кетейік, әйелдер арасындағы іріктеу кезеңінде қазақстандық теннисшілер сынға түсіп жатқан жоқ.

Ал Аустралия ашық біріншілігінің жекелей сындағы негізгі кезеңінде Қазақстан атынан Александр Бублик (33-орын), Александр Шевченко (72-орын), Елена Рыбакина (6-орын) және Юлия Путинцева (25-орын) қатысады.

Мәтіннен қате тапсаңыз, бізге жазыңыз