Юлия Путинцева Аустралиядағы турнирдің жартылай финалына жолдама алды

Теннистен Қазақстан құрамасының спортшысы Юлия Путинцева Аделаидада (Аустралия) өтіп жатқан ірі WTA 500 турнирінің жартылай финалына шықты. Бұл туралы KAZ.NUR.KZ хабарлайды.

Ширек финалда қазақстандық спортшы Юлия Путинцева ресейлік Диана Шнайдерді (WTA 13) 7:6 (7:3), 6:7 (9:11), 6:4 есебімен жеңді.

Финалға шығу үшін Юлия Путинцева америкалық Джессика Пегуламен (WTA 7) кездеседі.

Аделаидадағы (Аустралия) WTA 500 турнирі 11 қаңтарда аяқталады.

Еске салайық, Юлия Путинцева WTA-дің жаңартылған рейтингінде төрт сатыға көтеріліп, 25-орынға көтерілді. Қазақстандық теннисшінің қоржынында 1894 ұпай бар.

Мәтіннен қате тапсаңыз, бізге жазыңыз