Қазақ редакциясының басшысы

Қазақстан құрамасы 2025 жылғы Азия ойындарындағы алғашқы медальға қол жеткізді

Опубликовано:8 ақпан 2025, 07:35

Денис Никиша мен Әділ Ғалиахметов. Фото: Сали Сабиров/Ұлттық олимпиада комитеті

Шорт-тректен аралас ұлттық құрама 2025 жылғы қысқы Азия ойындарында Қазақстан құрамасына алғашқы медальді әкелді, деп хабарлайды KAZ.NUR.KZ тілшісі.

Сенбі күні шорт-трек бойынша шешуші 2000 метрге жүгірулер өтті.

Ұлттық құрама Оңтүстік Корея өкілдерінен ғана ұтылып (+0,724 секунд) екінші орынға жайғасты. Жапондықтар үшінші болып мәреге жетті. Қытай құрамасы төртінші орынды иеленді.

Шорт-трекшілердің күмісі — Қазақстан құрамасы үшін Азиададағы алғашқы медаль. Сонымен қатар бұл 2025 жылғы Азия ойындарында сарапқа салынған алғашқы жүлделер жинағы.

Сенбі күнгі бағдарламаға барлығы 17 медаль енген. Атап айтқанда, шорт-тректен тағы төрт марапаттар жинағы сарапқа салынады.

Мәтіннен қате тапсаңыз, бізге жазыңыз