2025 жылғы Азия ойындарының 10 ақпанға арналған жарысқа шығу кестесі

Дүйсенбі, 10 ақпан — Қытайдың Харбин қаласында 2025 жылғы Азия ойындарында медальдар сарапқа салынатын үшінші күн. KAZ.NUR.KZ Астана уақыты бойынша қазақстандық спортшылардың жарысқа шығу кестесін назарға ұсынады.

Аптаның бірінші күні жүлделердің жеті топтамасы ойнатылады. Қазақстан өкілдері бес медаль үшін сынға түседі. Шаңғы акробатикасынан аралас турнирге тек үш команда қатысады, сондықтан отандық спортшыларға нақты медаль бұйырып тұр.

Керлингтен ұлттық құрамалар бастапқы кезеңде жарысқа шығады. Қазақстандық хоккейшілер бүгінде 12 ұпаймен көш бастап келе жатыр және "А" тобында шешуші матч өткізеді.

• 06:00. Керлинг. Әйелдер. Алдын ала кезең, екінші матч

Қытайлық Тайбэй - Қазақстан

Ангелина Эбауэр, Регина Эбауэр, Тилсимай Аллиярова, Екатерина Колыхалова, Мерей Тастемір

• 06:00. Керлинг. Ерлер. Алдын ала кезең, А тобы, екінші матч

Қазақстан – Филиппин

Абылайхан Жүзбай, Айдос Аллияр, Әділ Жұмағожа, Ермек Мусаинов, Арман Иржанов

• 08:00. Шаңғы жарысы. Ерлер. 10 км-ге еркін стильде жеке жарыс

Владислав Ковалев, Наиль Башмаков, Ернар Нұрсебеков, Олжас Климин

• 08:00. Фристайл. Шаңғы акробатикасы. Аралас командалар

Аяна Жолдас, Шерзод Хаширбаев, Асылхан Асан, Ардана Маханова (резерв), Дінмұхаммед Райымқұлов (резерв)

• 09:00. Хоккей. Ерлер. Алдын ала кезең, А тобы, бесінші тур

Қазақстан – Оңтүстік Корея

• 09:00. Коньки тебу. Ерлер. 500 метр

Роман Биназаров, Никита Важенин, Алтай Жәрдембекұлы, Евгений Кошкин

• 10:00. Коньки тебу. Әйелдер. 3000 метр

Кристина Шүмекова, Арина Ильященко, Надежда Морозова

• 11:05. Коньки тебу. Ерлер. Командалық спринт

Никита Важенин, Артур Галиев, Артур Жәрдембекұлы

• 16:00. Керлинг. Әйелдер. Алдын ала кезең, үшінші матч

Қытай – Қазақстан

Ангелина Эбауэр, Регина Эбауэр, Тилсимай Аллиярова, Екатерина Колыхалова, Мерей Тастемір

Қазақстандықтардың қатысуынсыз өтетін медальдар сайысының кестесі:

• 08:00. Сноуборд. Биг-эйр. Әйелдер мен ерлер

Финал 09:24 пен 09:42-ге жоспарланған.