Азиада-2025: фристайл-акробатикадан Қазақстан құрамасы күміс медаль еншіледі

Қытайдың Харбин және Ябули қалаларында өтіп жатқан қысқы Азия ойындарының сегізінші жарыс күнінде қазақстандық фристайлшылар тағы бір медаль жеңіп алды, деп хабарлайды KAZ.NUR.KZ тілшісі.

Аралас командалық турнирде ел намысын 2025 жылғы Азия ойындарының қола жүлдегері Аяна Жолдас, сондай-ақ Шерзод Хаширбаев пен Асылхан Асан қорғады. Ардана Маханова мен Дінмұхаммед Райымқұлов резервте болды.

Жүлде үшін таласқа барлығы үш команда қатысты: Жапония, Қазақстан және Қытай. Біздің команда 235,39 ұпай жинап, екінші орынға жайғасты.

Бұл спорт түрінен Қытай чемпион атанды (305,64), Жапония үшінші орынды (191,28) иеленді.

Осылайша, фристайлшылар Қазақстанға 2025 жылғы Қысқы Азия ойындарындағы сегізінші медалін әкелді. Ұлттық құраманың қоржынында қазір сегіз жүлде бар: бір алтын, бес күміс және екі қола.

Қазіргі уақытта Қазақстан құрамасы соңғы медальдық есепте төртінші орында тұр. Рейтингте Қытай көш бастап тұр, одан кейін Оңтүстік Корея, ал Жапония үздік үштікті тұйықтады.

Мәтіннен қате тапсаңыз, бізге жазыңыз