Керлингтен Қазақстан әйелдер құрамасы Азия ойындарында екінші жеңісіне қол жеткізді

Керлингтен Қазақстан әйелдер құрамасы Азия ойындарында кезекті матчын өткізді. Қазақстандық команда Филиппин құрамасын ұтты, деп хабарлайды KAZ.NUR.KZ.

Қазақстандық керлингшілердің қарсыласы Филиппин құрамасы болды. Матч 5:4 есебімен Қазақстан құрамасының пайдасына шешілді.

Ойынға команда атынан Ангелина мен Регина Эбауэр, Тилсимай Аллиярова, Екатерина Колыхалова және Мерей Тастемір қатысты.

Осылайша, қазақстандық керлингшілер қоржынында екі жеңіс және екі жеңіліс бар.

Бүгін ұлттық құрама Қатар құрамасына қарсы ойнайды. Матч Қазақстан уақытымен 16:00-де басталады деп жоспарланған. Бүгін, 11 ақпанда ерлер құрамасы да өнер көрсетеді. Олар 11:00-де Оңтүстік Корея командасымен кездеседі.