"Шеберлігіңізді тағы да дәлелдедіңіз": Тоқаев Елена Рыбакинаны жеңісімен құттықтады
Опубликовано:
Мемлекет басшысы Australian Open турнирінің жеңімпазы атанған теннисші Елена Рыбакинаны құттықтады, деп хабарлайды Ақордаға сілтеме жасаған KAZ.NUR.KZ.
"Сізді спорттағы кезекті тамаша жетістігіңізбен – теннистен Австралия ашық чемпионатындағы керемет, айқын жеңісіңізбен шын жүректен құттықтаймын!
Сіз жеңіске деген ерік-жігеріңіз бен мінсіз шеберлігіңізді тағы да дәлелдедіңіз, бұған бүкіл әлемнің теннис қауымдастығы сүйсіне қарады. Алдағы уақытта да ең беделді турнирлерде жеңіске жете беруіңізге тілектеспін!" - делінген құттықтауда.
Айта кетелік, Australain Open жарысының финалында Елена Рыбакина әлемнің бірінші ракеткасы, Беларусь өкілі Арина Соболенконы жеңіп, алғаш рет турнир жеңімпазы атанды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2338062-toqaev-elena-rybakinany-zhengisimen-quttyqtady/