Қазақстандық шахматшылар Өзбекстандағы Дүниежүзілік олимпиадада қатарынан алтыншы жеңісіне қол жеткізді

Өзбекстанның Самарқанд қаласында өтіп жатқан Дүниежүзілік шахмат олимпиадасында Қазақстан әйелдер құрамасы жеңісті сериясын жалғастырды, деп хабарлайды KAZ.NUR.KZ тілшісі.

Алтыншы турда ұлттық құрама Әзербайжанды 2,5:1,5 есебімен жеңді. Бибісара Асаубаева, Меруерт Камалиденова және Зарина Нұрғалиева қатысқан партиялар тең аяқталды. Алуа Нұрманның жеңісі шешуші болды.

Қазақстан әйелдер құрамасы Самарқандтағы жарыста әзірге ұпай жоғалтқан жоқ. 12 ұпай жинаған команда Қытаймен бірге көш бастап тұр.

Қазақстан ерлер құрамасы да алтыншы турда Колумбияны 3,5:0,5 есебімен ұтты. Жандос Ағмановтың тақтасында ғана тең нәтиже тіркелді. Денис Махнёв, Сауат Нұрғалиев және Даниял Сапенов өз партияларында жеңіске жетті.

Ерлер командасының еншісінде қазір төрт жеңіс, бір тең ойын және бір жеңіліс бар. Тоғыз ұпаймен ұлттық құрама 26-шы орында келеді.

Мәтіннен қате тапсаңыз,бізге жазыңыз