"Таңғалмаймын": Соболенко Рыбакинаның қорытынды турнирге қатысудан бас тартқанына қатысты пікірін айтты

Әлемнің екінші ракеткасы Арина Соболенко басты қарсыласы, қазақстандық Елена Рыбакинаның WTA қорытынды турнирінен бас тартқанына қатысты пікір білдірді, деп хабарлайды KAZ.NUR.KZ First&Red-ке сілтеме жасап.

Арина Соболенко теннис туралы басылымға берген сұхбатында WTA турнирінің қорытындысында Елена Рыбакинаның титулын қорғамайтынын білген кездегі реакциясын айтты. Биыл Соболенко Үлкен дулыға турнирлерінің екі финалында Рыбакинаға есе жіберіп, қазақстандық спортшыға бірінші ракетка атағын беріп қойған еді.

"Мен таңғалдым, бірақ сонымен қатар бұл маусым ол үшін физикалық және моральдық тұрғыдан шынында да ауыр болғанын түсінемін. Соншама қиын матчтар, ұзақ турнирлер, оның үстіне ол Азияда да көп ойнады.

Оның қатыспайтынын естігенде төбемнен жай түскендей болды, бірақ ойлап қарасам, таңғалмаймын. Бәрібір маусым тамаша өтті. Оның бірінші орында қалуына кепілдік бар, сондықтан бұл – өз денсаулығына назар аударып, жақсы демалып, келесі маусымға жаңа күшпен кірісу үшін дұрыс шешім деп есептеймін", - деді Соболенко.

Бұған дейін жекелей сында әлемнің бірінші ракеткасы Елена Рыбакина Әйелдер теннис қауымдастығының (WTA) қорытынды турнирінде өнер көрсетпейтіні белгілі болды. 27 жастағы спортшы Индиан-Уэллстегі жарысқа бірінші нөмірмен тіркелген болатын. Бірақ жоспарланған стартқа бір күн қалғанда Рыбакина жарысқа қатыспайтынын мәлімдеді.

Мәтіннен қате тапсаңыз, бізге жазыңыз