Әлемдегі ең биік Бурдж-Халифа ғимараты Қазақстан туының түсіне енді
Опубликовано:
![Бурдж-Халифа ғимараты Қазақстан туының түсіне енді. 25 қазан 2022 жыл Бурдж-Халифа ғимараты Қазақстан туының түсіне енді. 25 қазан 2022 жыл](https://cdn.nur.kz/images/1120x630/3ed1b6aceb5fd4b8.jpeg)
Әлемдегі ең биік ғимарат - Бурдж-Халифа Республика күнінде Қазақстан туының түсіне боялды. Бұл туралы видео ғимараттың ресми Instagram парақшасында пайда болды, деп хабарлайды KAZ.NUR.KZ.
"Бүгін Бурдж-Халифа Қазақстандағы Республика күніне орай өз шамдарын жарқыратты. Бұл елдің халқына бейбітшілік пен гүлдену тілейміз", - делінген ролик сипаттамасында.
Аталған жазбаға пікір қалдырған қазақстандықтар ғимарат әкімшілігіне алғысын жаудырды.
Айта кетелік, Бурдж-Халифаның Қазақстан туының түсіне енуі алғаш рет болып отырған жоқ. 2020 жылы Тәуелсіздік күнінде әлемдегі ең биік ғимарат ел байрағының түсімен боялған болатын.
Мақаланың түпнұсқасы: https://kaz.nur.kz/world/1994269-alemdegi-en-biik-burdz-xalifa-gimaraty-qazaqstan-tuynyn-tusine-endi-video/