Өзбекстан басшысының үлкен қызы президент әкімшілігіне қызметке орналасты
Опубликовано:
Өзбекстан басшысы Шавкат Мирзиеевтың үлкен қызы Саида Мирзиеева президент әкімшілігі атқарушы аппаратының коммуникациялар және ақпараттық саясат секторының меңгерушісі қызметіне тағайындалды. Бұл туралы Өзбекстан президентінің баспасөз хатшысы Шерзод Асадов ресми Telegram-арнасында хабарлады, деп жазады KAZ.NUR.KZ.
Асадовтың мәліметінше, бұл жаңадан құрылған сектор қоғамдық пікір мен ақпараттық саясатты зерттеуге жауапты президент әкімшілігі басшысының орынбасары құрылымының жүйесіне кіреді.
Саида Мирзиеева әлеуметтік саладағы, мәдениет және білім саласындағы реформалардың орындалу барысын бақылайтын болады.
Өзбекстан президентінің үлкен қызы әлемдік экономика және дипломатия университетінің түлегі, Ташкент мемлекеттік заң университетінің және Ломоносов атындағы Мәскеу мемлекеттік университетінің магистрі, экономика ғылымының кандидаты.
2019-2020 жылдары ол президент әкімшілігі жанындағы Ақпарат және бұқаралық коммуникациялар агенттігі директорының орынбасары болған.
2022 жылдан бастап жаңа қызметіне дейін ұлттық бұқаралық ақпарат құралдарын қолдау және дамыту қорының қамқоршылық кеңесі төрағасының орынбасары қызметін атқарды.
Мақаланың түпнұсқасы: https://kaz.nur.kz/world/1997162-ozbekstan-bassysynyn-ulken-qyzy-prezident-akimsiligine-qyzmetke-ornalasty/
