Қытай халық республикасының бұрынғы төрағасы Цзян Цзэминь қайтыс болды

Қытай елінің бұрынғы басшысы Цзян Цзэминь қайтыс болды, деп хабарлайды KAZ.NUR.KZ РИА-Новости-ге сілтеме жасап.

Қытайдың бұрынғы басшысы Цзян Цзэминь 97 жасында қайтыс болды. Бұл туралы жергілікті телеарналар хабарлауда.

Цзян Цзэминь Қытайда партиялық және мемлекет қайраткері болды.

Ол 1989-2002 жылдары Қытай коммунистік партиясы (ҚКП) орталық комитетінің бас хатшысы, 1993-2003 жылдары Қытай халық республикасының төрағасы болды.

Peoples.ru сайтының хабарлауынша, ол 1926 жылы 17 тамызда Қытайдың Цзянсу провинциясының Янчжоу қаласында дүниеге келген. Шанхай Цзяотонг университетінің электротехника факультетінде оқыған. 1947 жылы университетті бітірген, Қытай коммунистік партиясының қатарына одан бір жыл бұрын қабылданған.