Новости русской службы Би-би-си

Сеулдегі кептеліс: Қайғылы оқиғаға қатысты істе жергілікті шенеуніктер күдікті деп танылды

Опубликовано:

Сеулде қайғылы жағдай болған маңда тұрған полицейлер
Сеулде қайғылы жағдай болған маңда тұрған полицейлер. Фото: Anthony Wallace/AFP via Getty Images

Былтыр қарашада болған Сеулдегі кептелісті тергеу нәтижесінде полицияның арнайы тобы қайғылы оқиғаға Хэллоуин шеруін жоспарламаған және оқиғада тиімді әрекет ете алмаған жергілікті шенеуніктердің кінәсі себеп деген қорытындыға келді, деп хабарлайды KAZ.NUR.KZ BBC-ге сілтеме жасап.

Кептеліс кезінде 159 адам қаза тапқан еді, олардың көпшілігі жастар.

Полиция Сеул қалалық мэриясының, Оңтүстік Корея ұлттық полициясының немесе елдің ішкі істер министрлігінің жоғары лауазымды қызметкерлерінің қызметтік міндеттерін тиісінше орындамағаны үшін кінәлі екенін растай алмаған.

Оның орнына қайғылы оқиғаға төменгі шенді шенеуніктер күдікке ілінді. Олардың алтауы абайсыздық жасады деген айыппен қамауға алынды, олардың арасында полицияның бұрынғы басшысы мен қайғылы оқиға болған Сеул ауданының басшысы да бар.

Баяндамада тағы 17 адамды, соның ішінде Оңтүстік Корея астанасының полиция басшысын жауапкершілікке тарту ұсынылды. Қаза тапқандардың туыстары жоғары шенді шенеуніктердің жазалануын сұрады.

Құрбан болғандардың бірінің әкесі Би-би-сиге баяндама авторлары "басты аман алып қалу үшін кесірткенің құйрығын кесіп тастағанын" айтты.

Полиция тергеу тобының басшысы Сон Чи Хван билік кептеліс болған жағдайда алдын ала ешқандай шара қолданбағанын және оқиға туралы хабарлаған адамдардың көптеген қоңырауына тиісті түрде жауап бере алмағанын айтты. Жағдайды дұрыс бағаламау ақпаратты берудің кешігуіне және әр түрлі қызметтер арасында үйлестіру нашар болуына әкеп соқты, дейді ол.

"Осындай бірнеше, қайталанатын қателер адам шығынының көбеюіне әкелді", — деді Сон Чи Хван.

Мақаланың түпнұсқасы: https://kaz.nur.kz/world/2005316-seuldegi-keptelis-qaigyly-oqigaga-zergilikti-seneunikter-kudikti-dep-tanyldy/