Түркиядағы зілзаладан кейінгі төртінші күн: құтқару жұмыстары қалай жүріп жатыр
Опубликовано:
![Үйінді астынан бір отбасының үш адамын құтқару сәті Үйінді астынан бір отбасының үш адамын құтқару сәті](https://cdn.nur.kz/images/1120x630/f4dee3d9a82d3d87.jpeg)
2023 жылғы 6 ақпанда Кахраманмараштың Пазарджик ауданында 7,7 және Эльбистан орталығында 7,6 балдық екі жер сілкінісі болды. Жер сілкінісінен кейін 1052 жер дүмпуі тіркелген. Түркияның Төтенше жағдайлардың алдын алу және зардаптарын жою басқармасы (AFAD) ресми сайтында жер сілкінісінен кейінгі 4 күн ішінде іздестіру-құтқару шаралары қалай жүргізіліп жатқанына қатысты мәліметтер жарияланды, деп хабарлайды KAZ.NUR.KZ.
AFAD деректеріне сүйенсек, 9 ақпандағы жағдай бойынша жер сілінкісі салдарынан Кахраманмараш, Газиантеп, Шанлыурфа, Диярбакыр, Адана, Адыяман, Османие, Хатай, Килис, Малатья және Элязыг провинцияларында барлығы 12 391 адам қаза тапқан. 62 914 азамат зардап шеккен.
![Құтқарушылар үйінді астында қалған ана мен баланы құтқаруда Құтқарушылар үйінді астында қалған ана мен баланы құтқаруда](https://cdn.nur.kz/images/1120/4ef0f015a978a1cc.jpeg)
Апатты аймақтарда Түркияның Төтенше жағдайлардың алдын алу және зардаптарын жою басқармасы (AFAD), Жағалау күзеті, Өрт сөндіру бригадасы, халықаралық іздеу-құтқару қызметкерлері мен өзге де жауапты мекемелерден жалпы саны 22 277 адам жұмыс істеуде. Ал басқа елдерден келген іздестіру-құтқару қызметкерлерінің саны 5709 адамды құрайды.
![Зілзаладан кейінгі Кахраманмараш қаласының көрінісі Зілзаладан кейінгі Кахраманмараш қаласының көрінісі](https://cdn.nur.kz/images/1120/e82ca111f4feff55.jpeg)
Сонымен қатар полиция, жедел жәрдем топтары, еріктілер, жергілікті қауіпсіздік және қолдау топтарынан құралған 110 571 адам зардап шеккендерге көмек көрсетіп жатыр.
Барлығы 5557 көлік (экскаватор, трактор, кран, дозатор, жүк көлігі, су таситын көлік, грейдер, вакуумдық көлік, басқа да құрылыс техникасы) қираған өңірлерге жөнелтілген.
![Жер сілкінісі болған Хатай қаласы Жер сілкінісі болған Хатай қаласы](https://cdn.nur.kz/images/1120/719e9fb295aa65ba.jpeg)
Керек-жарақ заттарды жөнелту және адамдарды эвакуациялау үшін жер сілкінісі болған аймақтарға әскери-теңіз күштері мен жағалау күзеті қолбасшылығы құрамынан барлығы 21 кеме жіберілген.
Зілзаладан қатты зардап шеккен 10 провинцияға AFAD, Отбасы және әлеуметтік қызметтер министрлігі тарапынан 94 744 шатыр мен 1 208 305 көрпе жөнелтілген.
![Адыяман қаласында отқа жылынып отырған тұрғындар Адыяман қаласында отқа жылынып отырған тұрғындар](https://cdn.nur.kz/images/1120/8aa74bbd2aef9968.jpeg)
Зілзала болған аймақтарға 2 999 354 ыстық тамақ, 685 207 сорпа, 4 560 117 литр су, 2 790 139 нан, 2 694 543 азық-түлік пен 378 652 сусын жіберілген.
![Швейцариядан келген ерікті мен 3 жасар бала Швейцариядан келген ерікті мен 3 жасар бала](https://cdn.nur.kz/images/1120/e504089353e464fe.jpeg)
![Хатай қаласындағы құтқарушылар Хатай қаласындағы құтқарушылар](https://cdn.nur.kz/images/1120/c38ee76d37973d91.jpeg)
![Түркиядағы зілзаладан кейінгі көрініс Түркиядағы зілзаладан кейінгі көрініс](https://cdn.nur.kz/images/1120/f605faad80ccb567.jpeg)
Мақаланың түпнұсқасы: https://kaz.nur.kz/world/2008748-turkiyadagy-zilzaladan-keiingi-4-kun-qutqaru-zumystary-qalai-zurip-zatyr-foto/