Top.Mail.Ru

Сайт нұсқасы

ru kz

Зектілері

Ер адам түнде телефонда отырып ойын ойнайтын ұлын ерекше әдіспен жазалады

Опубликовано:

телефонда ойын ойнап жатқан бала
Ойын ойнап жатқан бала. Көрнекі фото: Рexels.com

Қытай тұрғыны ұлының түнде смартфонда ойын ойнауға деген құмарлығы үшін ерекше жаза ойлап тапқан, деп хабарлайды KAZ.NUR.KZ Lenta.ru сайтына сілтеме жасап.

Басылымның жазуынша, 8 наурызда Хуан есімді ер адам мектепте оқитын ұлының түнде жақсылап ұйықтап, сабаққа сергек барудың орнына смартфонда жасырын ойын ойнайтынын байқап қалған.

Түнгі ойындар баланың мектептегі үлгеріміне кері әсер ететінін білетін қытайлық әке ұлының бұл әрекетіне қынжылған.

Хуан әйелімен кеңесе келе, баласының мұғаліміне қоңырау шалып, оны бір күнге сабақтан босатуын өтінген.

Осыдан кейін ата-ана ұлына күні бойы телефонда ойын ойнауға рұқсат беріп, бірақ "ұйықтамау керек" деген шарт қояды. Виртуалды ойынды ұнататын бала оған басында қатты қуанғанымен, көп ұзамай әкесі сынақ шарттарын бір минутқа да бұзбайтынын түсінеді. Себебі, Хуан ұлының қасынан бір елі кетпей, оның ойынды үзбей ойнағанын қадағалап отырған.

Тіпті, ұлының бүкіл денесінің ауырсынып, шаршағанына шағымданғанына, ойыннан шаршап ұйықтап қалғанына қарамастан, Хуан ойынды тоқтатуға тыйым салған.

Нәтижесінде Хуан баласын 17 сағат бойы ойын ойнауға мәжбүрлеген.

Соңында мектеп оқушысы әкесінен аяушылық танытуын сұрап, бұдан былай түнде ешқашан ойын ойнамайтынын айтып, тіпті уәдесін растайтын қолхат жазып берген.

Осыдан кейін Хуан ұлына жұмыс күндері жарты сағат, ал демалыс күндері бір сағат ойын ойнауға рұқсат беретінін айтқан. Дегенмен, ол өзге ата-аналарды өзінің тәжірибесін қайталамауға шақырып отыр.

Мақаланың түпнұсқасы: https://kaz.nur.kz/world/2013028-er-adam-tunde-telefonda-otyryp-oiyn-oinaityn-ulyn-erekse-adispen-zazalady/