Түркияның Шанлыурфа қаласындағы селден 15 адам қаза тапты

Түркияның оңтүстік-шығысындағы Шанлыурфа провинциясында сел жүріп, 15 адам қаза тапты, деп хабарлайды KAZ.NUR.KZ Anadolu агенттігіне сілтеме жасап.

Агенттіктің мәліметінше, Шанлыурфада сейсенбі, 14 наурыз күні нөсер жаңбыр жауған. Провинцияның әкімшілік орталығының бірқатар көшелері мен даңғылдарын су басып қалған.

Провинцияның өртке қарсы қызметінің мәліметінше, Вейсел Карани ғимараттардың бірінің жертөлесінен бес адамның мәйіті табылған, болжам бойынша олар сириялық болуы мүмкін.

Соңғы деректер бойынша Шанлыурфадағы табиғи апат құрбандарының саны 15 адамға жетті.

Толассыз жауған жаңбыр салдарынан бөгеліп қалған қала тұрғындарын анықтау жұмыстары жалғасуда.

Мәтіннен қате тапсаңыз, бізге жазыңыз