"Кел, құшақтасайық": Құран оқуды үйрететін ұстаз ұлының өліміне себепкер болған шәкіртін кешірді

Әлеуметтік желіде Шешенстан тұрғыны Құран оқуды үйрететін мұғалімінің 14 жастағы баласын қағып кеткені туралы бейнежазба тараған. Бұл туралы Gorec212 Instagram парақшасына сілтеме жасаған KAZ.NUR.KZ хабарлайды.

Баланың әкесі Шайх Анвар жерлеу рәсімі басталғанға дейін тәлімгерінің соңынан көлік жіберген. Ер адам жерлеу рәсіміне келген кезде Шайх Анвардың әрекеті көпшілікті таң қалдырған.

"Мен сені жақсы көремін және сен де мені жақсы көретініңді білемін. Жақында ғана екеуіміз бірге отырып Құран оқыдық. Мен сенің алиміңмін (ұстаз), сен менің муталимімсің (шәкірт). Мен сені Алла разылығы үшін жақсы көремін және өмірімнің соңына дейін жақсы көріп өтемін. Мен сені кешірдім. Алла саған сабыр мен барлық жақсылықты берсін. Кел бері, құшақтасайық", - деді Шайх-Анвар.

Ер адамға алдыңғы қатарда тұрып, марқұмның денесін алып жүруге рұқсат етілген.

Желі қолданушылары Шайхтың бұл әрекетіне сүйсініп, жақсылық тілеген.

"Нағыз еркек. Нағыз Ислам", "Құдай оған бар игі жақсылықты нәсіп етсін және бізді мұндай сынақтан аулақ етсін", "Расымен мақтануға тұрарлық әрекет. 100 пайыз сабақ та болды", - деді пікір білдірушілер.